Besimtarët myslimanë sot kremtojnë festën e Kurban Bajramit, njërën ndër festat më të rëndësishme të konfesionit Islam në botë. Besimtarët në mëngjesin e të enjtes namazin e Bajramit, me të cilin zyrtarisht nisin ditët e festës së sakrificës, përcjellë INA.
Namazi i Bajramit do të falet në ora 06:17 minuta, ndërsa manifestimi qendror në Shkup do të mbahet në Xhaminë Mustafa Pashës.
Krerët e bashkësive islame kanë përcjellë mesazhe përgëzimi, me shpresë që besimtarët të reflektojnë ndjenjën e humanitetit, solidaritetit e bamirësisë.
Kurban Bajramin kurorëzohet me vizitën në Mekë – haxhi, që është kushti i pestë i Islamit. Në këtë ditë myslimanët e botës, në bazë të kushteve ekonomike, therin kurban (dele, dash, cjap, gjedhe, deve) që simbolizon sakrificën e njeriut ndaj Allahut. Një e treta e mishit të kurbanit, duhet t’u shpërndahet njerëzve në nevojë.
Kjo ditës festohet që nga periudha e profetit Ibrahim, i cili për nder të Allahut ai kishte vendosur që ta ther kurban të birin e tij të vetëm, ismailin. Në momentin kur profeti Ibrahim nisi ta sakrifikojë të birin, një engjëll ia solli atij një dash. Dhe që nga ajo kohë myslimanët e botë therin kurban. (INA)