19:14:33 2019-05-04
Dimri është rikthyer sërish në Zvicër gjatë fundjavës. Përveç temperaturave të ulëta, në në disa lokacione bora e ka zbardhur tokën.
Në Zvicër ende është herët që rrobet e dimrit të vendosen në dollap. Të shtunën, dimri është rikthyer sërish dhe ka pasur rreshje të borës, shkruajnë mediat zvicerane, përcjell Shtegu.com.
Në Bazel, ka pasur rreshje të mëdha të borës, kanë deklaruar nga MeteoNews të shtunën pasdite. Videot e disa lexuesve kanë treguar të reshurat e borës në Binningen BL dhe Allschëil BL. Por edhe në Bättëil SO dhe në Herisau AR, është duke reshur seriozisht.
Të shtunën pasdite, kufiri i borës ka zbritur në rreth 500 metra, ka shkruar SRF Meteo mëngjesin e sotëm.
„Të shtunën, era do të kthehet dhe do të sjellë ajër më të ftohtë në Zvicër“, spjegon meteorologu Cédric Sütterlin, nga Meteonews.
Në shpatet veriore të Alpeve, bora e freskët mund të arrijë lartësinë deri në 40 cm të shtunën pasdite. Qeveria federale ka lëshuar një paralajmërim për shkak të borës së madhe. Për momentin vlen shkalla e tretë e sigurisë (nga 5).