13:56:39 2018-01-05
Pasditen e së enjtes, një baba nga Maqedonia ka mbytë djalin e vet me strangulim. Familja maqedonase ka pasur vendbanimin në Cupramontana, në rrethinën e Ankonës në Itali. Shtetasi 25-vjeçar i papunë maqedonas, ka qenë nën përkujdesje psikologjike. Sipas Agjencisë italiane të lajemve Ansa, ngjarja ka ndodhur në veturë, përcjellë Shtegu.com. Më pas, ai e ka dërguar fëmijën në shtëpi ku ka intervenuar ekipi i emergjencës „Croce Verde“. Infermierët menjëherë kanë reaguar me reanimim të fëmijës për gjysmë ore, por pa sukses.
Në trupin e fëmijës nuk janë vërejtur shenja të dhunës apo gjurmë gjaku, me përjashtim të shenjave të strangulimit në qafë. Ndaj kufomës së fëmijës është urdhëruar obduksion. (Shtegu.com)