16:12:44 2019-07-03
Gjatë një stuhie të fortë në Austri, nga rrufeja janë vrarë 13 kafshë në një kullotë në Steiermark.
Në kohën e stuhisë, kopeja e lopëve ishte strehuar nën një pemë në Schiesslingalm në Aflenz. Rrufeja goditi pikërisht aty ku kafshët kishin kërkuar mbrojtje.
„Disa viça kanë mbijetuar, por lopët jo“, shpjegon Franz Plachel, kryetari i komunitetit bujqësor të Schiesslingalmit. Banori nga Steiermarki zbulimin e tmerrshëm e bëri të hënën. Nën pemën halore ishin 13 kafshë të ngordhura!
Kafshët e ngordhura, të martën u transportuan nga kullota me një kabllo. „Viçat, nënat e të cilëve u vranë, është dashur të kthehen sërish në luginë“, ka deklaruar Plachel për mediat austriake, përcjell Shtegu.com.
Gjatë verës gjithsej, 13 bujq i kanë gjedhet e veta në Schiesslingalm. Pas aksidentit të kobshëm, kanë mbetur edhe 142 lopë. „Edhe kështu, ekonomia alpine po bëhet gjithnjë e më e vështirë. Një fatkeqësi e tillë na godet edhe më shumë“, thotë Franz Pacheli i dëshpëruar.
Megjithatë, dëmi do të mbulohet nga sigurimi.
