Nga e enjtja, në Zvicër do të zbatohet një listë e re e karantinës. Spanja dhe Portugalia do të hiqen nga lista, por nga 22 marsi do të shtohen vendet si Kosova, Maqedonia e Veriut, Hungaria, Polonia dhe Belgjika
Të mërkurën, BAG publikoi një listë të re karantine, e cila e zëvendëson atë që u botua të hënën. Spanja dhe Portugalia janë fshirë nga lista dhe do të hiqen nga e enjtja.
Megjithatë, vende të reja do të shtohen nga 22 marsi 2021, informon Shtegu.com. Të reja janë vendet e mëposhtme: Belgjika, Palestina, Bullgaria, Jordania, Katari, Kosova, Maqedonia e Veriut, Polonia, Rumania, Hungaria, Uruguai dhe Qipro.
Përpos tyre, edhe zonat e mëposhtme në vendet fqinje të Zvicrës: Thüringeni, Korsika, Bazilikata, Latium, Veneto, Burgenland, Austria e Epërme dhe Vjena.
Ende në listën e BAG-ut janë: Shqipëria, Andorra, Antigua dhe Barbuda, Bahrein. Barbados, Brazil, Kili, Estonia, Irlanda, Izraeli, Kuvajti, Letonia, Libani, Lituania, Luksemburgu, Maldivet, Malta, Moldavia, Monako, Mali i Zi, Hollanda, Peruja, San Marino, Suedia, Serbia, Sishelët, Sllovakia, Sllovenia, Shën Lucia, Afrika e Jugut, Republika Çeke, Emiratet e Bashkuara Arabe, Shtetet e Bashkuara të Amerikës, Mbretëria e Bashkuar.