18:07:48 2017-10-04
Para pak kohësh, pronari i ushqimores „Ömer`s Imbiss“ në Aarau të Zvicrës është pensionuar, duke lënë një mbresë të madhe tek klientët e tij zviceranë e të tjerë. Ushqimorja e tij shërbehet nga një rimorkio, të cilën do ta trashëgojë kosovari Faik Rrafshi, i cili ka pasur marrëdhënie shumë të mira me Ömerin. Faiku i kishte ndihmuar shpeshëherë Ömerit, duke krijuar kështu një besim të ndërsjellë, kështuqë ai ia dorëzon Faikut rimorkion e tij. Pasi që Ömeri i ka kaluar të tetëdhjetat, një ditë, bashkëshortja e tij e kishte thirrë Faikun në telefon duke e lutur që ai të përkujdesej ndonjëherë për ushqimoren.
„Unë jam këtu vetëm për të vëzhguar punën“, ka pohuar Ömeri në moshë, i cili me siguri nuk mund të qëndrojë duarkryq në shtëpi. Ai kujdeset nëse pasardhësi i tij e bën ushqimin mirë, nëse i rregullon mirë copat e bukës, nëse e ka pjekur mishin në mënyrë optimale. „Por, Faiku është shumë i talentuar“, pohon i qetësuar Ömeri për „Aargauer Zeitung“, njofton „Shtegu.com“. Faiku vazhdon punën me zell të madh duke pohuar se e gëzon pranimi i Ömerit në rimorkio edhe pse aty është pak ngushtë. „Jam shumë i lumtur që ai më viziton tre-katër herë në javë“, pohon Faiku, ushqimorja e të cilt tashmë gjendet në qytezën Buchs dhe është pagëzuar me emrin „Faik`s Imbiss“.
Faik Rrafshi e ka të njëjtën meny sikurse Ömeri, bile edhe mishin e blen nga i njëjëti furnizues (Sandmeier, Kölliken). Të gjithë klientët e ushqimores në fjalë janë të kënaqur dhe nuk kanë kurrfarë vërejtje në shërbimin dhe kualitetin e ushqimit.
Ushqimorja „Faik`s Imbiss“ është e hapur nga e hëna: 10–14 h, dhe të martën deri të shtunën 11–20 h. Adresa: Rösslimattstrasse 46, Buchs (Shtegu)