20:37:32 2019-09-01
Kërkesat e rezervimit për në Shqipëri, që nga fillimi i vitit kanë shënuar rritje. Kryeqyteti veçanërisht është tërheqës dhe i njohur për turitët zviceranë.
Shqipëria është një destinacion pushimesh që vlerësohet gjithnjë e më shumë nga zviceranët. Kjo është të paktën nga ajo që tregojnë statistikat e rezervimeve në platformën online Ebookers, informon Shtegu.com. Midis janarit dhe korrikut 2019, kërkesa për rezervime hotelesh u rrit me një mesatare prej 80 për qind, në krahasim me të njëjtën periudhë të vitit të kaluar. Dhe nëse krahasojmë vetëm muajin e korrikut, rritja është edhe 180 për qind në periudhën brenda një viti.
Sipas Ebookers, gjysma e rezervimeve është bërë për destinacione bregdetare. Nëse Tirana, kryeqyteti, është në krye të rezervimeve, qytetet e Durrësit dhe Sarandës janë veçanërisht të njohura për pushimet në plazh.
Një punë gjigante në këtëë drejtim është duke bërë edhe Berneger Thibaut, francezi që po përkkujdeset për përforicmin e marrdhëneieve turistike franko-shqiptare. Me agjencinë e tij të themeluar në vitin 2012, ai po përpiqet t`i shfrytëzojë potencialet turistike shqiptare, duke kërkuar hotele të rinj për klientët e tij të ardhshëm, akomodimin e tyre në vend dhe këshilla të tjera. Sipas tij, historia e mbylles së vendit për dekada të tëra, është një arsye për të tërhequr turistët.
“Shqipëria është një vend ende misterioz, ndërsa turistët që vinë këtu, kanë përshtypjen se janë `Indiana Jones` të udhëtimit, që do të thotë: Ja, unë isha i pari që vizitova Shqipërinë, para se ajo të zhvillohet. Ndoshta në të ardhmen do të bëhet sikur Kroacia apo Mali Zi”, ka pohuar për “France 2”, Berenger Thibaut.