Mëngjesin e së enjtes, në rrugën Furtmayrstrasse në Regensburg të Gjermanisë është vrarë një shqiptar 57-vjeçar.
Tani është gati edhe rezultati i obduksionit. Policia po kërkon edhe dëshmitarë të tjerë.
Siç është raportuar të premten nga selia e policisë gjermane, shqiptari vdiq nga një plagë me armë zjarri.
Si i dyshuar është një person 55-vjeçar, informon Shtegu.com. Ai u arrestua menjëherë dhe tani është në një institucion korrektues. Për momentin ai është duke heshtur për akuzat.
Fillimisht ishte raportuar se personat e përfshirë janë shtetas kosovarë. Por, tani policia ka konfirmuar se bëhet fjalë për shqiptarë me pasaportë gjermane.