Një burrë nga Eseni godet me thikë gruan e tij 28 herë. Ajo nuk kishte asnjë gjasë të mbijetojë. Në banesë ndodhej djali tetëvjeçar i çiftit
Pas një lidhjeje fatale, një burrë nga Essen u dënua me burgim të përjetshëm për vrasje. I pandehuri ka goditur me thikë gruan e tij më 15 shkurt të këtij viti. Mjekët më vonë numëruan 28 plagë me thikë – në qafë dhe gjoks. U godit edhe zemra. 41-vjeçarja nuk kishte asnjë gjas të mbijetojë.
Gjykatësi Jörg Schmitt foli për një „femicid brutal“ në vendimin e jurisë së Essen. I pandehuri ka vepruar në “idenë mesjetare” se gruaja e tij i përkiste atij.
Shtetasi 48-vjeçar ishte tejet xheloz. Ai rrahu gruan e tij dhe ngacmoi familjen e tij. Madje ditën e krimit në banesë ndodheshin edhe dy punonjës të zyrës së mirëqenies së të rinjve, të cilët i ofruan ndihmën e tyre 41-vjeçares. I pandehuri nuk ka dashur ta pranojë këtë, transmeton portali Shtegu. „Ai kishte frikë se më në fund do të humbiste kontrollin mbi gruan e tij“, tha Schmitt.
Në momentin e krimit në banesë ndodhej djali i vogël i çiftit. Tetëvjeçari kishte parë nënën e tij duke vdekur në dyshemenë e kuzhinës. “Ai është jashtëzakonisht i traumatizuar”, thuhej në vendim.
I pandehuri pranoi krimin në gjyq, por përmendi boshllëqe në kujtesën e tij. Aktgjykimi është vrasje me motive të ulëta. Vendimi nuk është i plotfuqishëm.