Unioni është kundër negociatave të shpejta të BE-së me Shqipërinë dhe Maqedoninë e Veriut

13:34:01                    2019-05-29

Unioni dëshiron të rrezistojë hapjen e shpejtë të negociatave të pranimit në BE të Maqedonisë së Veriut dhe Shqipërisë. „Duhet pritur deri në tetor, derisa të sillet një vendim“, tha kryetari i Komitetit të Bundestagut për Europë, Gunther Krichbaum, për Agjencinë telegrafike gjermane, informon Shtegu.com. Me një votim nga 28 shtetet anëtare nga mesi i qershorit, me siguri nuk do të ketë „asgjë“.

Ministri shtetëror europian në Ministrinë e Jashtme, Michael Roth (SPD), nga ana tjetër, kërkon një fillim të shpejtë të bisedimeve për pranim në BE. „Tani është në duart e BE-së për të ofruar“, shkruan Roth në një artikull për „Frankfurter Allgemeine Zeitung“ (e mërkurë). „Ne e kemi fjalën dhe duhet t`i mbajmë premtimet tona. Në Maqedoninë e Veriut dhe në Shqipëri është bërë një „progres i dukshëm“.

Të mërkurën, Komisioni i BE synon të rekomandojë hapjen e negociatave të pranimit me të dy vendet e Ballkanit. Komisioneri përgjegjës Johannes Hahn, Agjencisë telegrafike gjermane i kishte thënë se në prill ai priste një vendim pozitiv nga autoritetet e Brukselit pas zgjedhjeve europiane. Vendimi përfundimtar, megjithatë, varet nga vendet anëtare të BE-së dhe mund të sillet më 18 qershor, në një takim të ministrave europianë në Luksemburg.

Në Gjermani, megjithatë, Bundestagu duhet të japë dritën jeshile – dhe kjo është e mundur vetëm nëse grupi parlamentar CDU/CSU nuk kalon. Hapja e negociatave për anëtarësim shihet në mënyrë kritike, veçanërisht në Holandë, Danimarkë dhe Francë.

Shtetet e BE-së, qershorin e kaluar tashmë kishin miratuar në parim hapjen e negociatave me Shqipërinë dhe Maqedoninë e Veriut. Fillimi i bisedimeve, megjithatë, u bë i varur nga përparimi i mëtejshëm i reformave. Hahn kishte paralajmëruar që shtyrja dhe mosnjohja e progresit objektiv nga vendet kandidate, mund të ketë pasoja dramatike për vendet në fjalë dhe rajonin si tërësi.