19:12:15 2016-11-04
Në bankën e të akuzuarve të Gjykatës së rrethit në Frankfurt të Gjermanisë, është gjetur kosovari dyzetetrevjeçar, Enver M. „Unë jam Toni Jauch, nipi i Gunther Jauch“, kështu e kishte përbuzur kosovari besimin e pensionistit 91-vjeçar, Herbert T. Fillimisht, ai ia kreu një shërbim, duke e dërguar pensionistin deri te mjeku.
Por, pas shpinës, ai ia plaçkiti plakut të gjorë, përndryshe ish arkitekt, një kartelë EC dhe kodin e saj, duke nxjerrë nga kontoja e tij rregullisht para dhe duke shpenzuar nëpër shtëpi mallrash të ndryshme.
Gunther Jauch
Deri më sot, pensionisti gjerman ende nuk ka mundur ta gëlltitë faktin se ishte mashtruar nga kosovari: „Ai për mua është një kriminel i madh“, citon fjalët e plakut „Bild“, njofton „Shtegu.com“.
Ndërsa Enver M. në Gjykatë përpiqet të paraqitet si një ngjalë e vërtetë, pjesërisht i penduar, duke pohuar se të gjithë të hollat i kishte shpenzuar në lojëra të fatit. Në fund të seancës, Gjykata e dënoi me tre vite burg.