Shtetasi nga Taxhikistani përgatiste sulme terroriste në Gjermani dhe Shqipëri

Një terrorist i dyshuar i SHI nga Wuppertali në Gjermani, e ka pranuar pjesërisht veprën në gjykatë. Të hënën 30-vjeçari pranoi në procesin në Gjykatën e lartë rajonale të Dyseldorfit se kishte pranuar urdhrin për të vrarë një biznesmen shqiptar

Atij i kishin thënë se ai ishte „një jobesimtar i ndyrë“ që kishte bërë gjëra të këqija.

Megjithatë, kur e shikoi shqiptarin në sy, ai u tërhoq nga vrasja e tij.

Këtë rast, prokuroria e paraqet ndryshe: Gjatë këtij rast, vrasësi i dyshuar me pagesë nuk ka mundur ta identifikonte qartë viktimën dhe e kurseu ata për të mos vrarë ndonjë person të gabuar.

I pandehuri gjithashtu pranoi se kishte formuar një grup me të dyshuar të tjerë. Sidoqoftë, nuk ishte një qelizë terroriste e SHI, siç e akuzon prokurori federal. Ata donin të ndihmonin „myslimanët në nevojë“ me donacione.

Megjithatë, ai e dinte që personi me të cilin po fliste në shërbimin e mesazheve ishte një terrorist i SHI. Ai aty mund të shihej me një kallashnikov dhe një flamur të SHI, informon Shtegu.com.

Kryetari i trupit gjykues pyeti se ku ka mundur në këtë mesazh t`i shihte gratë dhe fëmijët në nevojë, për të cilët pretendohej se ishte i shqetësuar. I pandehuri u përgjigj në mënyrë evazive.

Shtetasi i Taxhikistanit dyshohet se kishte planifikuar vrasje dhe sulme terroriste në Gjermani dhe Shqipëri me një qelizë terroriste të bashkatdhetarëve taxhikë. Procesi në repartin e sigurisë së lartë të Gjykatës së Lartë Rajonale të Dyseldorf do të vazhdojë.