22:14:52 2017-07-19
Pas kërcënimeve që i janë bërë ekipit të televizionit Shenja nga persona që janë prezentuar si aktivistë të BDI-së në lagjen Duqanxhik të Çairit, portali „Shtegu.com“ soldarizohet në çdo pikëpamje me këtë medium shqiptar në Maqedoni. Pengimi i punës së gazetarëve është shkallë e ulët e një shoqërie bashkëkohore, e cila do të hasë gjithnjë në barrierë të fortë në rrugën drejt europianizimit të saj. Prandaj, kërcënimet le të ngelin vetëm si një e kaluar e hidhur e cila ka penguar gjithnjë progresin e një shoqërie. Thelbi i profesionit të gazetarisë është të sigurojë që opinioni të jetë i informuar për të gjitha çështjet dhe që këtu, gazetarët nuk guxojnë të pengohen gjatë raportimit për çfarë do qoftë problemi, pa marë parasysh nëse ai problem i tangon të gjithë qytetarët ose banorët e ndonjë bashkësie lokale. Në fund të reagimit Agjencia apelon që të respektohet dinjiteti i punonjësve mediatik dhe të mundësohen kushte për punë profesionale të mediave.