Një shtetas 25-vjeçar shqiptar është kapur nga policia franceze, përderisa po transportonte një shumë të madhe parash në veturën e tij, shkruan portali «Autonews.fr», transmeton Shtegu.com. Ky rast ka ndodhur në departamentin verior francez, në kufirin me Belgjikën.
Më 12 shtator, doganierët vunë re një veturë luksoze Mercedes-Benz, me një regjistrim gjerman në rrethinën Thun-l’Évêque. Ata më pas er ndaluan veturën për një kontroll rutinë. Një shqiptar 25-vjeçar ka qenë mbi timon duke deklaruar se me vete ka vetëm 2,505 euro. Të dyshimtë, zyrtarët e zbatimit të ligjit të shoqëruar nga qentë e tyre besnikë, i urdhërojnë ata të nuhasin veturën. Pas një kohe të shkurtër ata gjejnë një shumë të madhe parash, të fshehur nën një kapak të veturës: Gjithsej 54 000 euro!
Bilansi i këtij kontrolli: Shqiptari i ri është dënuar me shtatë muaj burg, 10 vjet ndalim kalimi në territorin francez dhe 85 267 euro gjobë (1.5 X më shumë se shuma e gjetur) për pastrim parash dhe transferim të shumave të padeklaruara. Një transport i parave me më shumë se 10,000 euro para të gatshme duhet të deklarohet në doganë, para se të kalohet kufiri midis dy vendeve edhe në zonën Shengen.