Fisnik Maxhuni ishte njëri nga 255 artistët që janë zgjedhur për talentet e Berlinales.
I lindur në Kosovë, Fisnik Maxhuni erdhi në Zvicër kur ishte fëmijë. Ai u rrit në Neuchâtel dhe pas një Masteri në Londër, fitoi një Master të dytë të kinemasë midis ECAL dhe HEAD. Ai aktualisht është duke punuar në një film artistik, i cili shpreson të xhirojë në Kosovë në fund të vitit.
Seksioni i kinemasë i „20 Minutes“ ka filluar një seri të re videosh. Ideja është që lexuesve t`u ofrohen filma për t`u parë në shtëpi, të cilat lehtë mund të gjenden në platforma të ndryshme streaming.
Për këtë javë, regjisori shqiptar Fisnik Maxhuni për gazetën „20 Minutes“ ka rekomanduar katër filma artistikë të preferuar, për tu parë në shtëpi, transmeton Shtegu.com.
Më poshtë, titujt e filmave të ndarë nga Fisniki në këtë episod të tretë.
„Monos“, nga Alejandro Landes
Në dispozicion në Filmingo.
„Bacurau“, nga Kleber Mendonça Filho
Në dispozicion në Arte Boutique.
„The Big Lebowski“ nga Joel dhe Ethan Coen
Në dispozicion në Amazon Prime.
„Mulholland Drive“, nga David Lynch
Në dispozicion në Youtube dhe Miscrosoft.