Kjo është Lailah S., një vajzë refugjate me zemër të arit
18:13:59 2017-09-21
Gjashtëmbëdhjetëvjeçarja jeside (një fis i kurdëve) nga Bagdadi, të premten e kaluar, në një metro të Berlinit në Gjermani, ka gjetur 14 mijë euro në një çantë përtoke. Të gjitha këto, ajo i dërgoi në polici!
„Në asnjë moment nuk më shkoi ndërmend që të hollat t`i mbajë për vete. Feja jonë na e ndalon një gjë të tillë“, ka pohuar Lailah për „Bild“, përcjellë „Shtegu.com“.
Bile, ajo ka hequr dorë edhe nga dhurata që i takon me ligj. Të hollat kanë qenë të një plake 78-vjeçare gjermane nga Berlini, e cila është mahnitur nga një ndershmëri aq e madhe!
Me nënën e saj Pravda A., Lailah dhe tre vëllezër e motra, që nga viti i kaluar janë duke jetuar në një qendër strehuese në Marienfelde, në një hapësirë të ngushtë prej vetëm 24 metrash katrorë!
Aty e kanë shumë ngushtë, ka shumë zhurmë dhe jo aq bukur. Për këtë arsye, familja që nga Iraku erdhi para dy vitesh, dëshiron të largohet sa më shpejt.
„Duam të jetojmë në një banesë personale, e cila do të ketë shumë më tepër vlerë se sa të hollat“, përfundon Lailah në një gjermanishte të rrjedhshme. Të shpresojmë se dëshira e tyre do të plotësohet!