Më 01.12.2105, në TV ARD, në shou emisionin e njohur gjerman „Njerëzit tek Maischberger“ në Köln, me temën „Ora e refugjatit: Tani ne flasim“, mysafirë të moderatores Sandra Maischberger kanë qenë Paul Ziemiak, Jasmin Taylor, Simone Peter, Beq Zeqiri, Dr. Dilovan Alnouri dhe Majd al Hosaini.
Ata që më së shumti lanë përshtypje në emision, ishin një sirian i ri i cili gjatë arratisjes e kishte parë vdekjen me sy. Ndërsa shikuesit gjermanë i mallëngjeu edhe refugjati kosovar, Beqë Zeqiri, i cili tregoi mirëkuptim për dëbimin e tij të paralajëmruar. Para pak ditësh kosovari 46-vjeçar e kishte pranuar informatën se ai dhe familja e tij në Gjermani mund të qëndrojnë deri më 7 dhjetor të këtij viti. Përpos dëshirës që në Gjermani të krijojnë kushte ekzistenciale dhe tragjikes për tu larguar nga Gjermania, ai u tregua zemërgjerë e tejet human: „Duhet liruar vendin për personat që vijnë nga ndonjë rajon lufte“, ka deklaruar Beqë Zeqiri, njofton „Shtegu.com“.
10:23:24 12/03/2015