13:41:56 2017-09-25
Ekipi francez i futbollit, thjeshtë, nuk po mund të gjejë zgjidhje sa ju përket gjuajtjeve nga penalltia. Bëhet fjalë për konfliktin në mes dy super yjeve të saj: Edinson Cavani dhe Neymar.
A ju kujtohet 17 shtatori kur PSG ishte mikpritës i Lyonit në kampionatin francez. Parisienët fituan një penallti, ndërsa në mes të Cavanit dhe Neymarit u shkaktua një diskutim i ashpër se kush do të gjuajë në portë, shkruan „El Pais“-i spanjoll, përcjellë „Shtegu.com. Cavani, gjuajtës i rregullt i penalltive, nuk ka dashur të dëgjojë aspak në këtë drejtim, bile edhe nuk ia ka dhënë topin bashkëlojtarit të tij brazilian, duke i thënë:“Unë nuk jam Messi“.
Lidhur me këtë veprim në ndeshjen të ciëln PSG e fitoi me rezultat 2:0, në zhveshtore është shkaktuar zënkë në mes të dy lojtarëve.
Për të zgjidhur këtë problem i cili tash e disa javë ka shkaktuar reagime të shumtë, udhëheqësit e klubit francez kanë vendosur që Cavanit t`i japin një shumë prej 1.13 milionë eurosh, për t`ia lënë gjuajtjen e penalltive Neymarit. Kjo shumë e ofruar është refuzuar nga sulmuesi uruguajas, i cili më shumë se kurrë dëshiron të qëndrojë numri një i gjuajtjeve nga penalltia.