Pse po ikën rinia nga vendi? Ja si përgjigjen të anketuarit (Video)

Papunësia, pagat e ulëta, problemet e shumta të vendit dhe politikat e këqija, janë disa prej arsyeve që përmendin qytetarët kur flasin për largimin e të rinjve nga vendi, shkruan gazeta Lajm. Të anketuarit nëpër rrugët e Shkupit thonë se vendi nuk ofron perspektivë, ndërsa punësimet shkojnë vetëm përmes partive politike. “Përveç militantëve partiak nuk mund të punësohet askush tjetër”, shprehet një i ri, i anketuar nga ekipi i gazetës Lajm. Ai, thotë se shumë moshatarë të tij po largohen drejt vendeve të BE-së, pasi nuk e shohin të ardhmen në Maqedoninë e Veriut. Edhe të moshuarit flasin për migrimin. Ata ftojnë të rinjtë të mos largohen, por thonë se ky fenomen negativ është vështirë të ndalohet. Sipas tyre, vendi nuk u ofron gjeneratave të reja kushteve të mira për jetesë. Anketën mund të ndiqni në videon më poshtë. /Gazeta Lajm/