11:36:02 2019-05-18
Policia federale gjermane dhe forca të tjera të sigurisë, të enjten kanë vepruar së bashku kundër emigracionit të paligjshëm në Leipzig. Gjatë një bastisjeje, janë gjetur 14 persona me qëndrim të paligjshëm në Gjermani, thuhet në një komunikatë të Policisë Federale në Pirna, njofton Shtegu.com. Nëntë persona ishin nga Kosova, pesë nga Shqipëria. Dyshohet se dymbëdhjetë prej tyre gjithashtu kanë qenë të angazhuar në punësim të paligjshëm në sferën e ndërtimit. Gjatë bastisjes, u kontrolluan tre apartamente në Leipzig, ku edhe janë gjetur prova relevante.
Luftën kundër kontrabandës në Leipzig është duke e kryer grupi i përbashkët hetimor i Bohemisë (GEG Bohemia). Ai përfshin punëtorët e inspektoratit të Policisë Federale për Krime në Halle, departamentit të policisë Leipzig, prokurorit publik Leipzig dhe administratës së qytetit Leipzig.
Aktualisht, Bohemia GEG është duke kryer disa hetime paraprake në emër të prokurorit publik. Nga njëra anë ekziston dyshimi i falsifikimit të dokumenteve. Nga ana tjetër, duhet të përcaktohet nëse një i akuzuar ka marrë lejeqëndrim duke lidhur martesë fiktive.