Plasin gallatat në Zvicër, pas refuzimit të vizës së një këngëtareje kosovare

15:07:24             2019-08-02

Një këngëtares kosovare nuk i lejohet të performojë në Zvicër – sepse ajo këndon shumë keq. Një veprim absurd, vlerëson një ekspert i kësaj fushe.

Këngëtares kosovare Xhevahire Bytyqi, nuk i lejohet të interpretojë në Zvicër. Zyra e Migracionit e Kantonit të Cyrihut, asaj nuk i ka lëshuar një leje afatshkurtër sepse ajo nuk është „një artiste shumë e kualifikuar“. Përveç kësaj, „fama e saj e supozuar e lartë në vendlindje“ nuk është e dokumentuar sa duhet, shkruan „NZZ“, përcjell Shtegu.com. Gjykata Administrative e ka mbështetur vendimin e zyrës.

Roger Rosser nga agjencia e evenimenteve me të njëjtin emër, nuk është i njoftuar në hollësi me rastin. Sidoqoftë, për të, arsyetimi i zyrtarëve është „shumë i pakuptimtë“. „Nuk është detyrë e një zyre të gjykojë cilësinë artistike“. Për më tepër, zyra e migracionit nuk ka njohuri për të vlerësuar muzikën.

„Sidoqoftë, është çështje shije, pavarësisht nëse e pëlqen apo jo një muzikë folklorike kosovare“. Në vend që të hulumtojnë në Youtube, cilat këngë të reja i ofron një artist kosovar dhe sa klikime arrijnë, zyrtarët do të mund të bëjnë diçka shumë më të mirë. „Ne sigurisht kemi probleme të tjera“.

Ai nuk ka mundur ta përmbajë vetveten nga e qeshura, me absurditetin e rastit, thotë Rosser. Zyra e migracionit duhet të kontrollojë nëse dokumentet e nevojshme për lejeqëndrim janë në dispozicion. „Mund të jetë e natyrshme që diçka të ketë ndodhur në shfaqjet e mëparshme“. Sidoqoftë, pasi në të kaluarën autorizimet për të njëjtën artiste ishin dhënë në secilin rast, duket sikur justifikimi i „kualifikimit të pamjaftueshëm“ është një argument i përparuar.

Një përgjigje nga Zyra e Migracionit në Cyrih në pyetjen se çfarë ka ndryshuar në cilësinë muzikore të këngëtares kosovare në krahasim me vitet e kaluara, nuk është mundur të merret nga Zyra e Migracionit në Cyrih. Një zëdhënës i saj i është referuar gjykatës administrative.

Për avokatin në lëmin e punës, Roger Rudolph, zakonisht ndodh që autoritetet kanë të drejtë dhe nuk ka keqpërdorim të autorizimeve. „Kjo nuk do të thotë, natyrisht, që dikush duhet ta vlerësojë për të mirë këtë vendim“. Argumenti që diaspora kosovare ka të drejtë ta shohë artisten e saj në Zvicër, është i kuptueshëm, por ligjërisht vështirë se ndihmon. „Pasi që aplikimi i pyetjeve të tilla të ligjit administrativ në përgjithësi, përqendrohet në kërkesat ligjore dhe argumentet përtej kutisë“, përjetohet një kohë e vështirë.