Përfundim i pikëllueshëm për kudrën me nofkën Lily: Ajo ishte vendosur për strehim në qendrën për përkujdesje ndaj kafshëve „Saving Macedonian Strays – Pepa’s Rescue Team“ në Maqedoni të Veriut për gati një vit. Në fund, atje ajo ngordhi sepse askush nuk donte ta merrte me vete.
Ekipi i qendrës, të enjten ka postuar një mesazh që të thyen zemrën, në profilin e tij në Facebook:
„Lily erdhi tek ne rreth një vit më parë, një qenushe e moshuar me shëndet shumë të dobët. Vitin e kaluar bëmë gjithçka që mundëm për ta ndihmuar atë të luftonte një krimb në zemër*. Kaloi kohë dhe kishim shpresa se do të gjendej edhe ndokush që do ta merrte me vete“.
Dhe më tej: „Por vetëm disa ditë më parë, veterineri ynë Marin na tha që ai dyshonte se krimbi i saj i zemrës do të kthehej dhe natën e kaluar ajo humbi luftën. Ne besojmë se hkaku mund të jetë dëmi që ka pësuar zemra e saj nga krimbi i zemrës“.
Ndoshta kjo qenushe thjesht ngordhi nga një zemra e thyer, pasi askush nuk donte ta merrte më, transmeton Shtegu.com.
*Krimbat e zemrës janë ndër krimbat më të frikshëm midis krimbave. Vetë ideja që krimbat, të cilët kanë gjatësi deri në 30 centimetra, kanë fole në mushkëri dhe në zemrën e qenit është e neveritshme. Për më tepër, sëmundja e krimbave të zemrës, nëse nuk njihet dhe nuk mjekohet, zakonisht është fatale për qenin. Dhe, edhe nëse njihet, mund të jetë vonë nëse shumë krimba tashmë janë vendosur në trupin e qenit. Vrasja e krimbave të zemrës mund të çojë më pas në komplikime serioze siç është embolia nga krimbat e vdekur në rrjedhën e gjakut dhe në reagimet më të dhunshme të sistemit imunitar për shkak të proteinës së vdekur të huaj, nga e cila qenët e dobësuar shpesh nuk mbijetojnë.
