15:49:18 2019-02-23
Për vite me radhë, një banor i Aargaut ka pranuar pension invalidor. Mirëpo, gjithçka ndryshoi pasi personi ishte mbikëqyrur nga detektivët privatë.
Për 16 vite me radhë, një person 50-vjeçar kishte punuar në kantier. Pas disa aksidenteve, ai është transportuar në një klinikë rehabilituese, shkruan „Aargauzer Zeitung“, përcjell Shtegu.com. Dhimbja e tij, nga mjekët u përshkrua si „subjektive dhe nuk ka mundur të qartësohet pas hetimeve“.
Bazuar në këtë diagnozë, personi në fjalë filloi të marr gjysmë pensioni IV nga viti 2002. Ky benificion u kontrollua dhe u konfirmua dy herë. Herën e tretë ndodhi kthesa: Për nëntë ditë me radhë, ai u vëzhgua nga detektivët privatë që i kishte angazhuar sigurimi invalidor IV.
Në shqyrtimet e mëparshme, burri kishte deklaruar se ai nuk kishte ndonjë dëshirë për të bërë diçka në jetën e përditshme. Megjithatë, vëzhgimi i detektivëve tregoi një pamje tjetër, informon Shtegu.com. 50-vjeçari vizitonte një qendër tregtare, shkonte nëpër klube dhe madje kishte shkuar edhe në një sallon erotik. Ajo që është e veçantë për këtë rast: Ai nuk ka pasur kufizime fizike. Gjatë takimit me psikiatrin dhe zyrtarët e IV-së, ai fillon të çalojë.
Gjykata e sigurimeve urdhëroi që pensioni i tij të shfuqizohej në mënyrë retroaktive, deri më 1 nëntor të vitit 2016. Nga ana tjetër, pensionisti u ankua – por pa sukses. Lëndën e dërgoi në gjykatën federale dhe tani duhet t`i paguajë shpenzimet ligjore.
Ky nuk është shërimi i parë mrekullisht që detektivët socialë e kanë zbuluar. Gazeta zvicerane „20 Minuten“ në nëntor kishte raportuar për dy „pensionistë“ të IV-së, të cilët ishin demaskuar nga detektivë, njofton Shtegu.com.
Një person kishte dal nga ordinanca e mjekut i bllokuar dhe shumë ngadalë. Ai mbështetej në një bastun. Pastaj ndodh ndryshimi i skenës: Në të njëjtën ditë, personi po lëvizte plotësisht normal dhe i lirë, pa shenja lëndimi apo dhimbjeje.
Në një rast tjetër, një detektiv ka filmuar një person duke punuar në një kantier. Tashmë kohë të gjatë, ai vlerësohej si i paaftë për punë. Por, në video mund të shihet se si me lehtësi i mban gjësendet e rënda.