25.10.2019
Gjykata Themelore në Prishtinë ka vendosur t’ia caktojë masën e paraburgimit prej 30 ditësh izraelitit Artyom Skrobov. Ai dyshohet se ka kryer veprën penale keqpërdorimi i fëmijëve në pornografi.
Jahudiu rus, Artyom Skrobov, është arrestuar në një hotel në kryeqytetin e Kosovës, Prishtinë, nën dyshimin se ishte i përfshirë në pornografi për fëmijë.
Policia e Kosovës ka njoftuar se shtetasi rus, Artyom Skrobov (39), dyshohet për krime në internet.
Në posedimin e tij u gjetën pajisje IT, mjete për vjedhje kibernetike dhe pajisje të tjera të përdorura për shkelje të sigurisë në internet.
Skrobov është një studiues i kompanisë së sigurisë „Check Point“ një kompani e specializuar për hakimin e nivelit të ulët.
Sipas Policisë së Kosovës, mbetet e panjohur nëse Skrobov është i lidhur drejtpërdrejt me institucionet e sigurisë së Federatës Ruse, por konfirmohet se ai hyri në territorin e Kosovës përmes vendkalimeve kufitare të Jarinje në veri të Kosovës.