Në ujrat e lumit Lepenc, mbrëmë është gjetur trupi i pajetë i Arben Asllanit, i cili para dy viteve ishte zhdukur “pa nam e nishan”, shkruan gazeta Koha. Deri në informatat e tanishme, trupi i pajetë është gjetur nga një banor i zonës i cili e ka njoftuar edhe policinë.
Babai i tanimë të ndjerit Arben Asllani, Beqir Asllani nuk u ndal së kërkuari ndihmë nga institucionet për djalin e zhdukur, por ato dështuan në kërkimin e tij, duke mos ofruar asnjë informacion të vetëm, transmeton Shtegu.com. Beqir Asllani edhe kishte organizuar disa protesta me familjarët tjerë të të zhdukurve.
Arben Asllani ishte zhdukur para banesës së tij më datë 23.01.2019. Trupi i pajetë i Arben Asllani është marrë nga policia për autopsi!