Olympique Marseille i interesuar për Messin e Kosovës

43 Lexime

Sipas informacioneve nga Foot Mercato, Olympique Marseille është në garë për Edon Zhegrovën, aktualisht në FC Basel. Futbollisti kosovar me nofkën „Messi i Kosovës“, dëshiron të kalojë një nivel dhe të gjejë një klub që luan në Ligën e kampionëve. Në këtë drejtim nuk është vetëm Olympique Marseille i interesuar, por edhe FC Lille dhe agjenti i tij tashmë i ka hapur derën për ardhje në Francë, informon Shtegu.com.

„Siç qëndrojnë punët, Edoni është një lojtar shumë i lakmuar. Ka klube angleze, italiane dhe franceze të një niveli shumë të mirë të cilët janë të interesuar për të. Të luash në Francë do të ishte një mundësi e shkëlqyer për të, sepse ai e vlerëson shumë këtë kampionat dhe ai mendon se mund të arrinte një nivel atje në një klub i cili ka një projekt të bukur. Është një diamant i ashpër, i cili ka hapësirë ​​të madhe për përmirësim“, tha agjenti i lojtarit në FootMercato.