Oferta interesante e sipërmarrësit shqiptar nga Zvicra për kryetarin Joe Biden

Suvatuesi i diplomuar dhe sipërmarrësi shqiptar i certifikuar dhe diplomuar në këtë sferë, Luli Rexhepi, në një postim të profilit të tij në Facebook, kryetarit të sapozgjedhur amerikan Joe Biden, i ka bërë një ofertë për ta rinovuar Shtëpinë e Bardhë pas vendosjes së tij në këtë objekt. Fillimisht, ai ia ka uruar zgjedhjen e postit të presidentit amerikan, e më pas ka shkruar:

Shumë i nderuari Z. president Biden

Unë dua t’ua uroj këtë post.

Nëse dëshironi t`i ndryshoni letrat e murit në Shtëpinë e Bardhë ose dëshironi ta pikturoni Shtëpinë e Bardhë me një ngjyrë tjetër, ne nga sipërmarrja „www.rexhepi.ch“ do të ndjeheshim të lumtur t’ju ndihmojmë! për informacione të mëtejshme vizitojeni faqen www.rexhepi.ch ose na telefononi në

+41 33 841 00 23

Sa për inspirim, disa fotografi janë bashkëngjitur.

Për më tepër, oferta e Lulit vlen edhe për ish presidentin amerikan Donald Trump, në momentin që të largohet nga Shtëpia e Bardhë dhe të vendos që ta rinovojë banesën e tij të re, pohon personalisht Luli Rexhepi për Shtegu.com. Nuk do mend se një ofertë e tillë mund të jetë edhe e realizueshme, duke marrë parasysh se Luli është duke mirëmbajtur me suvatim njërin ndër qytetet më të bukur zviceran të Interlakenit. Sipërmarrjen ai e ka themeluar vetëm me 24 vjet moshë, ndërsa tani kompania e tij numëron 22 punëtorë, prej të cilëve tre praktikantë.