09:38:26 2018-02-26
Kujt i takon kjo këpucë? Me një këpucë të vetme, policia austraike e Salzburgut është në kërkim të një sulmuesi të një shtetasi maqedonas, e jo të Hirushes. Natën e së dielës, ai është sulmuar dhe plaçkitur nga një person i panjohur.
Shtetasi 36-vjeçar maqedonas, pas një vizite në një lokal në Giselakai, rreth orës 04.00 të mëngjesit, ka qenë duke u kthyer në këmbë, kur papritmas e slumon një person i panjohur. Fillimisht ai e involvoi në një bisedë, e më pas e sulmoi duke e goditur me disa grushte. Pasi e rrëzon në tokë, ai ia plaçkitë portofolin, shkruan „Krone“, përcjellë Shtegu.com. Shtetasi maqedonas ka tentuar ta pengojë sulmuesin, duke e kapur për njërën këmbë dhe duke ia hequr njërën këpucë.
Viktima maqedonase ka denoncuar rastin në polici. Bëhet fjalë për një person të panjohur, i gjatë në mes 1,80 e 1,90 metra, i hollë, me mjekër të shkurtër dhe flokë të zezë e të shkurtër. Viktima e ka përshkruar sulmuesin si tip i vendeve jugore. Sa i përket këpucës, bëhet fjalë për një këpucë sportive e madhësisë numër 44, ngjyrë kafeje. Sulmuesi është parë duke u arratisur në këmbë. Deri më tani janë paraqitur dëshmitarë, të cilën e kanë vërejtur një person që ka ecur menjë këpucë në rrugën „Linzergasse“.
Ende mbetet e paqartë nëse është i nevojshëm një test i ADN-së për këpucën. Si duket, hetuesit nuk do ta kenë vështirë ta zbulojnë se kur, ku dhe nga kush është blerë këpuca. (Shtegu.com)