Një tjetër tragjedi e rëndë: Babai vret dy fëmijët, bashkëshorten dhe vetveten

10:55:49             2017-09-16

Një tragjedi familjare ka goditur rëndë Austrinë, natën e së premtes në të shtunë, në Hohenems: Një burrë, një grua dhe dy fëmijë janë gjetur të vdekur, thuhet në një komunikatë të policisë austriake nga Vorarlbergu.

Sipas të dhënave të para të policisë, babai 38-vjeçar ka pasur ndalesë për tu kthyer në banesë. Por, ai e ka injoruar këtë ndalesë, duke vrarë bashkëshorten e vet 33-vjeçare, si dhe dy fëmijët e moshës 7-, dhe 4-vjeçare, shkruan „Kronen Zeitung“, njofton „Shtegu.com“. Më pas ai ka bërë vetëvrasje, duke kërcyer nga kati i tretë i ndërtesës.
Koha e krimit dyshohet të ketë qenë rreth orës 04.40 të mëngjesit. Motivet për kryerjen e krimit dhe rrethanat e tjera janë duke u hetuar me intensitet të madh. Informata më të hollësishme do të jepen gjatë ditës së shtunë.