Kur Zhegrova (20) i tregon aftësitë e tij, nëna Sanije dhe babai Lulzimi janë gjithmonë aty. Bile edhe në Marbella të Spanjës. Në të ardhmen, vetëm joseriozitetin e tij të vogël duhet ta lëjë në shtëpi.
Edhe në miqësoren e së hënës kundër VfB Stuttgart (0:2), Edon Zhegrova, super tekniku 20-vjeçar nga Kosova, gjithashtu bëri atë që i pëlqen të bëjë, duke dribluar dhe bërë atraksione futbollistike. Ai shkon përpara në sulm dhe është ndoshta lojtari më i paparashikueshëm, i zhdërvjelltë dhe spektakolar në Superligën zvicerane. Sido që të etiketohet, tifozëve u pëlqen.
Problemi i tij: Në prapavijë, futbollisti shqiptar është shumë shpesh jo serioz, i vë në siklet kolegët e tij mbrojtës me veprime të rrezikshme ose plotësisht harron të mbrohet. Aloja shqiptar, në Bazel është që nga shkurti i kaluar, në përpjekje për t`i dhënë një ndërgjegje mbrojtëse nga huadhënësi, Genk. „Ai ka punuar vetë dhe tani ka bërë përparim“, tha drejtori sportiv i FCB Ruedi Zbinden.
Xhaka ndihmon Zhegrovën
Zhegrova duket se ngadalë po merr në zemër udhëzimet taktike të trajnerit Marcel Koller dhe tani ai gjithashtu duket se e gjen veten në mënyrë të duhur në ekip. Mbi të gjitha, Taulant Xhaka, i cili flet të njëjtën gjuhë, e ndihmon. „Tauli kujdeset shumë mirë për te“, thotë Zbinden. Sepse, edhe pse Zhegrova lindi në Herford të Gjermanisë, ai nuk flet gjermanisht. Pas luftës, familja e tij u kthye në Prishtinë kur Edoni i vogël ishte vetëm dy vjeç, shkruan «Blick», informon Shtegu.com.
Kur ai nënshkroi një kontratë trevjeçare me Genk në verën e vitit 2017, nëna Sanjie dhe babai Lulzimi gjithashtu u transferuan në Hasselt në Belgjikë. Ndërkohë, familja Zhegrova pothuajse jetojnë në Basel, sa herë që prindërit vizitojnë djalin e tyre. Ata madje udhëtuan për në Spanjë në kampin e stërvitjes.
„Ata morën pushime shtesë“
Zhegrova është zëvendësuar në ndeshjen kundër Stuttgartit gjatë pushimit sepse mori një goditje në gjoks dhe kjo i shkaktoi dhimbje. „Asgjë e keqe“, thotë ai dhe i përshëndet prindërit e tij. „Ata morën pushime shtesë për të ardhur këtu“, thotë ai duke qeshur. Dhe gjithashtu fakti që ata e vizitojnë aq shpesh në Bazel është e lezetshme, „rruga nuk është aq larg“, thotë Zhegrova. Nëna e tij buzëqesh pranë tij. „Ne na pëlqen këtu,“ thotë Sanija. „Sigurisht që është mirë për të që prindërit e tij ta vizitojnë kaq shpesh“, thotë Zbinden.
Sa kohë do të qëndrojë Zhegrova në Bazel është ende e paqartë. Kontrata e tij për hua skadon gjatë verës. Deri në muajin maj, FCB ka mundësinë e blerjes. Mamaja dhe babi Zhegrova janë gjithmonë të mirëpritur në Bazel. Por, në të ardhmen, Edoni duhet të lëjë në shtëpi joseriozitetin e vogël. Pas kësaj, FCB me siguri se do ta zbatojë opsionin e blerjes.