Në të ardhmen e afërt, konsumatorët në Zvicër do të duhet të presin në radhë para se të hyjnë në ndonjë shitore. Sepse: Shitësit zviceranë me pakicë do ta kufizojnë numrin e klientëve nëpër shitoret e tyre. Vetëm një klient duhet të lejohet të bëjë blerje për dhjetë metra katrorë hapësirë me pakicë. Kjo masë do të realizohet me urdhër të Zyrës Federale të Shëndetit Publik (BAG).
Se si duket kjo në praktikë, rrëfen një dëshmitare nga Berna, shkruan „20 Minuten“, transmeton Shtegu.com. Që nga e enjtja, në Migros në lagjen Lorraine të Bernës, klientët janë pranuar vetëm sipas sistemit të pikëve: «Pritja nuk ishte veçanërisht e gjatë. Por duhet të mësohet shprehia“, thotë dëshmitarja. Konsumatorët marrin një kartë të veçantë pranimi, të cilën e dorëzojnë kur të largohen nga shitorja. „Ajo pastrohet para dhe pas, në sy të klientëve“.
Migros Aare konfirmon se bizneset në të gjithë Zvicrën aktualisht po kalojnë në këtë sistem dhe i referohet shënimeve shpjeguese federale të rregullores dy për masat për të luftuar koronavirusin. Sipas kësaj, numri i personave që u lejohet të qëndrojnë në një dyqan në të njëjtën kohë, varet nga zona e dyqanit. „Si udhëzues, mund të llogaritet një person për dhjetë metra katrorë“, thuhet nëtekst. „Në filialet tona, ne jemi edhe më të rreptë“, thotë Daniela Lüpold, zëdhënëse e Migros Aare. Rregullorja zbatohet gjithashtu nëpër filialet e Coop. Që nga e mërkura, atje janë instaluar pleksi qelqe, për të përmirësuar mbrojtjen e stafit të shitjeve.
„Nuk ka dispozita të posaçme për shitësit në lidhje me shitjen e hapur të ushqimit. Nuk ka detyrim të përdorim të paketimit shtesë ose material mbulues për mallrat, për shkak të një shitje të hapur nuk ka rrezik të shtuar të transmetimit“, shkruan qeveria federale zvicerane. Po kështu, nuk ka asnjë detyrim të mbahen doreza ose maska në gojë. Kjo vlen edhe për klientët dhe personelin: «Meqenëse një masë e tillë nuk do ta ndihmonte atë për uljen e rrezikut e transmetimit».
Sidoqoftë, shitësit me pakicë janë të detyruar të pastrojnë rregullisht dorezat e shportave të blerjeve ose monitorëve të prekur, të përdorura nga klientët. “është e mundur heqja dorë e përdorimit të dezinfektantëve për shkak të burimeve të pakta në këtë drejtim“. Në vend të kësaj, duhet të përdoret sapun ose agjentë të tjerë pastrimi.
„Tagesschau“ nga SRF raportoi të mërkurën në mbrëmje se si një barnatore në Bernë, klientëve u lejon të trgetojnë vetëm përmes sistemit të pikëve. Përveç kësaj, të gjithë klientët këtu duhet t`i dezinfektojnë duart. Po kështu në një farmaci në Gümligen BE, ku klientët aktualisht duhet të shpenzojnë kohë më të gjatë të pritjes. „Kemi të paktën dy herë më shumë klientë se zakonisht“, thotë drejtori menaxhues, Andreas Neuenschëander. Sistemi i pikëve gjithashtu përdoret edhe në dyqanet e Sëisscom, shkruajnë mediat zvicerane, përcjell Shtegu.com. Aty, konsumatorët gjithashtu duhet t`i sterilizojnë celularët e tyre.
Shitësit me pakicë mirëpresin sqarimet e BAG në luftën kundër koronavirusit dhe i konsiderojnë masat të arsyeshme, siç njoftoi të enjten grupi i interesit për pakicë dhe Federata Zvicerane e Shitjes me pakicë. Ato lejuan një zbatim të shpejtë dhe të njëtrajtshëm.
Përveç kufizimit të numrit të klientëve, sigurimi i dezinfektuesve është gjithashtu pjesë e masave. Ekzistojnë gjithashtu tabela sinjale për distancimin shoqëror para arkave, të cilat kërkojnë që të mbahet një distancë minimale prej dy metrash. Dorezat e qerreve dhe shportave të blerjeve, si dhe monitorët në opsionet e vetë-pagesës pastrohen çdo ditë.