Sot pata kënaqësinë të vizitoj klubin e boksit “Shkupi”, një nga krenaritë më të mëdha sportive të vendit tonë.
Aktualisht, klubi zhvillon stërvitjet në SHF “Hasan Prishtina”, deri në përfundimin e rikonstruksionit të palestrës “Partizani”.
“Shkupi” ka një histori të lavdishme, duke mbajtur për disa vite rresht titullin e kampionit të Maqedonisë dhe duke dëshmuar profesionalizëm, disiplinë dhe pasion të palëkundur për boksin.
Por sukseset e tij nuk janë kufizuar vetëm brenda vendit. Klubi ka shënuar rezultate të rëndësishme edhe në arenën ndërkombëtare, ndër të cilat veçohet vendi i tretë në Kampionatin Europian, një arritje madhore që flet shumë për përkushtimin e sportistëve dhe vizionin e drejtuesve.
Ky takim më forcoi bindjen se sporti është shkollë e vërtetë e karakterit, disiplinës dhe qëndrueshmërisë.
Klubi i boksit “Shkupi” është dëshmi e gjallë e kësaj filozofie. (Zhurnal)