Ky italian është profesionisti më i madh i karantinës në krizën e koronavirusit

55 Lexime

Kur shpërtheu pandemia e koronavirusit, Lorenzo Di Berardino ishte në Wuhan të Kinës. Në fillim të shkurtit, ai u kthye në vendin e tij të lindjes: Itali.

Një italian është bërë pa dashje një profesionist i vërtetë i karantinës gjatë pandemisë së koronavirusit. Për shkak të virusit, ai tashmë është izoluar tre herë, i ka rrëfyer Lorenzo Di Berardino Agjencisë Gjermane të Shtypit përmes telefonit. Fillimisht në Wuhan të Kinës, si një i kthyer në Itali dhe më pas në vendlindjen e tij që u prek jashtëzakonisht shumë nga pandemia. „Mendoj se kam qenë i pafat disi“, ka komentuar 22-vjeçari, informon Shtegu.com.

Në Wuhan, nga ku virusi Sars-CoV-2 u përhap në të gjithë botën, studenti qëndroi në fillim të vitit për një program shkëmbimi që zgjati disa muaj. Metropoli kinez u bllokua brenda disa ditësh, para nisjes së tij të planifikuar. «ëuhan u bllokua plotësisht me ushtri dhe postblloqe.

Njerëzit e morën shumë seriozisht, shumë më seriozisht sesa këtu në Itali, të paktën fillimisht», thotë ai. Pa e kuptuar që diçka e ngjashme do të ndodhte në vendin e tij, media italiane intervistoi bashkëatdhetarin në fund të janarit për situatën në zonën e kufizuar.

Në fillim të shkurtit, atë dhe disa qytetërë të tjerë, forca ajrore italiane i solli nga rajoni. Si i kthyer, ai u karantinua për 17 ditë në kazermat e ushtrisë afër Romës. Kur u kthye në shtëpinë e tij në qendër të vendit më 20 shkurt, disa banorë ishin dukur të dyshimtë, thotë Di Berardino. Në të njëjtën ditë, rasti i parë i koronës së transmetuar në vend u raportua në qytetin Codogno. Më 10 mars, qeveria italiane urdhëroi mbylljen dhe bllokimin në të gjithë vendin.

Që atëherë, Di Berardino ka vazhduar studimet e tij për drejtësi në internet, nga shtëpia. Lehtësimi i parë në fillim të majit nuk ndryshoi shumë.