Mëngjesin e së dielës, në një rrugë publike në St. Gallen, një i panjohur e ka goditur me thikë disa herë 21-vjeçarin E. A. Autori i krimit është larguar nga vendngjarja, ka deklaruar policia zvicerane.
„Ai u përpoq ta qëllonte vëllain tim në zemër dhe mushkëri“, thotë Donjeta A. përmes gazetës zvicerane «20 Minuten», përcjell Shtegu.com. Shqiptarja 23-vjeçare, mëngjesin e së dielës mori një telefonatë gjatë së cilës i treguan se vëllai i saj E. A. ishte pranuar në Spitalin Universitar në Cyrih me tre plagë të shkaktuara nga therja. Sipas saj, E. u sulmua në St. Gallen, në rrugë afër stacionit nga një person i panjohur. Shkaku ka qenë një flirt me një femër, thotë Donjeta, me ç`rast ka ndrhyrë edhe një i ri. „Vëllai im i tha djaloshit që të largohej. Por, më pas ai tërhoqi një thikë dhe e goditi disa herë”.
Sipas motrës, autori dhe viktima nuk janë njohur më parë. Pas sulmit, i riu, për të cilin viktima vlerëson se ishte i moshës rreth të njëzetave, iai u arratis së bashku me dy femra tjera. Dyshohet se pas aktit, ata i kishin thënë edhe disa fjali në drjetim të E. Vetëm kur sulmuesi u zhduk, 21-vjeçari e kuptoi se kishte gjakderdhje të madhe dhe se ishte plagosur. «Ai ishte rrëzuar përtokë dhe nuk po merrte më frymë. Ai u dërgua në spitalin në St. Gallen dhe nga aty, me helikopter menjëherë u dërgua në Regensburg te një kardiolog në Cyrih », thotë Donjeta e tronditur. Gjatë mëngjesit, ai u operua, shkruan «20 Minuten», përcjell Shtegu.com.
Ende mebtet e paqartë se çfarë ka ndodhur saktësisht, pasi dëshmitarët kanë treguar versione të ndryshme të ngjarjes. Rastin është duke e hetuar Policia Kantonale e St. Gallenit.
- A. mendoi se ai do të vdiste
Pasditen e së dielës, familja mori lajmin e shumëpritur: E. A. kishte mbijetuar. „Por ai humbi shumë gjak, një organ i është dëmtuar nga therja dhe i gjithë trupi i tij i sipërm i është prerë“, thotë motra. Ajo mezi ka mundur ta përballojë pamjen e së vëllait. Në Instagram, ajo shkruan: „Pamja e tij në spital na vrau, i lidhur me tela të ndryhsëm dhe me tuba. Fillimisht nuk mund të fliste. Të gjitha që u dëgjuan ishin klithma ime dhe rrëzimi i nënës në dysheme”.
„Më në fund, rreth orës 16.00 na lejuan që ta shohim“, thotë 23-vjeçarja. Ai vetëm qau dhe kërkoi që të afërmit t`ia mbajnë dorën. „Ai tha se e kishte parë vdekjen me sy“.
Aktualisht, kosovari nga Thurgau është ende në kujdes intensiv. Se kur do të mund të largohet nga aty, akoma nuk është e sigurt. Se 21-vjeçari i ka shpëtuar sulmit, për familjen është vetëm një mrekulli. Ajo beson se ai kishte të paktën një mijë engjuj mbrojtës.
Siç ka konfirmuar Policia Kantonale e St. Gallenit, ajo tashmë është duke e hetuar rastin. Donjeta tani shpreson që sulmuesi së shpejti të arrestohet: “Ai donte të vriste vëllain tim. Ai është i rrezikshëm dhe ende në liri».