Koronavirusi: Sapo të jetë sigurt, Zvicra nuk do të pres asnjë ditë të vetme

Kryetari i Konfederatës zvicerane, Guy Parmelin, të hënën iu është përgjigjur pyetjeve të lexuesve të „20 Minuten“. Ai dëshiron të heqë kufizimet „sa më shpejt të jetë e mundur“, por këshillon kujdes.

Vaksinat, tubimet, udhëtimet, shkollat: Të hënën pasdite u diskutuan të gjitha temat nga kryeatri i Konfederatës zvicerane Guy Parmelin, i cili iu përgjigj pyetjeve të lexuesve, në gjermanisht dhe frëngjisht, informon Shtegu.com. Politikani nga Kantoni Vaud mbrojti me besnikëri politikën e Këshillit Federal zviceran, ndërsa rastet e infektimit vazhdojnë të bien. Të gjitha me një sinqeritet të caktuar, dhe duke parashikuar kritika: „Faktet janë fakte, ne nuk mund t’i mbyllim sytë“.

Megjithatë, ai dukej se dëshironte: të ishte në gjendje të rihapte „sa më shpejt të jetë e mundur“ atë që ishte mbyllur, siç e ka përsëritur disa herë dhe në të dy gjuhët. Fjalia ikonike „aq ngadalë sa të jetë e nevojshme“ e Alain Bersetit, nuk u dëgjua. Por në vend të kësaj, Guy Parmelin shpjegoi në mënyrë pragmatike se ishte e nevojshme të qëndronim „shumë të kujdesshëm“. A do të hapen restorantet më 1 mars ashtu siç pritet? „Do të duhet të bëjmë analiza“, ka paralajmëruar ai.

Në ndërkohë, ai dëshiron që të gjithë të jenë në gjendje të gëzojnë sa më shumë liri të jetë e mundur. Një lexues pyeti nëse ishte e arsyeshme të planifikoje një pushim jashtë vendit, në këtë rast në Siçili. “Jemi në një vend ku të gjithë mund të bëjnë zgjedhjet e tyre. Por ne duhet t’i supozojmë ato. Nëse ka ndonjë problem, nuk do të fluturojmë për në Siçili për ta kërkuar, ju nuk mund të telefononi për ndihmë gjithmonë te `Nëna Konfederatë`“, u përgjigj ai.