JA FJALIMI I ZEQIRIJA IBRAHIMIT, QË ÇOI NË KËMBË SALLËN “BORIS TRAJKOVSKI”

06:53:29                   2016-11-24

Atmosferën impozante që mbizotëronte gjatë gjithë konventës së djeshme të koalicionit “Rilindje me Besë”, e ndezi në mënyrë plotësuese nënkryetari i Lëvizjes Besa Zeqirija Ibrahimi.

E gjithë salla u ngrit në këmbë kur Ibrahimi bëri thirrje që të mos keqpërdoret gjaku i dëshmorëve të UÇK-së për fushatë parazgjedhore, sidomos nga oponentët e tyre politik, BDI, të cilët sipas tij, 15 vite pas konfliktit nuk sollën ligjin për rregullimin e statusit social të ish pjesëtarëve të UÇK-së dhe familjeve të dëshmorëve, raporton SHENJA.

Ibrahimi iu përgjigj edhe akuzave të Ahmetit se gjoja Lëvizja Besa është kundër integrimit. Ai pyeti publikisht liderin e BDI-së se pse për 12 vite në pushtet nuk integroi vendin në strukturat euroatlantike, por ndiqte politikë staliniste-leniniste, sipas tij.

Në fund të fjalimit, Zeqirija Ibrahimi komentoi edhe rezistencën e Gruevskit për platformën RIDEFINIMI, duke porositur kryetarin e VMRO DPMNE-së se Maqedonia ose do të ridefinohet, ose do të zhbëhet. /SHENJA/