Kur e zbuloi gruan e tij me një burrë tjetër, një kosovar 32-vjeçar tërësisht u çmend.
Për rreth një muaj me radhë, Valdon D. kishte frikë se gruaja e tij kishte një tjetër lidhje. Kjo është arsyeja përse ai e instaloi një app të vendndodhjes në iPhone-in e bashkëshortes, me profesion asistente dentare, shkruajnë mediat austriake, përcjell Shtegu.com.
Kur punëtori kosovar në ndërtimtari e konstatoi vendnodhjen e saj në stacionin qendror të Vjenës, ai e thirri dhe e pyeti se ku ishte. Kosovarja e gënjeu dhe i tha që ishte në shtëpi. Si rezultat, babai i familjes u fut në stacionin kryesor të trenit dhe e zbuloi bashkëshortern, përndryshe nënë e një djali dyvjeçar dhe e dy vajzave (4, 9-vjeçare), dorë për dore me dashnorin e saj – me siguri kolegun e saj të punës. 32-vjeçarja menjëherë u fut në një taksi dhe shkoi në shtëpi, por edhe Valdon D. hipi u nis për në banesën e tyre në Belvederegasse (Wieden).
Siç raportojnë më tej mediat austriake, atje erdhi deri në një mosmarrëveshje të përgjakshme. Valdon D. e shtyu gruan e tij dhe më pas, nga dhoma e gjumit mori një objekt druri. Ai e goditi dy herë, pastaj u largua nga banesa, duke shkuar në stacionin e policisë. Aty deklaroi se e kishte lënduar gruan e tij. Por kur hetuesit hynë në banesë, viktima ishte tashmë e vdekur.
Kosovari, i cili punoi 18 orë në ditë dhe ishte i zënë me ndërtimin e shtëpisë së tij të re, është në paraburgim.
„Klienti im ndjehet shumë keq. Ai është i shkatërruar tërësisht. Ai nuk donte ta vriste gruan, por vetëm ta lëndonte”, tha avokati i tij Mirsad Musliu.