21:53:51 2019-03-03
I shqetësuar për vrasjet e fundit që kanë përfshirë rininë shqiptare në rrethinën e tij, Haxhi Hamdi Veseli nga fshati Gërçec i Sarajit ka lansuar një apel emocional, me qëllim që të parandalojë sa më parë vrasjet e tjera eventuale në rrethinë, njofton Shtegu.com. Në profilin e tij në Facebook, ai ka shkruar këtë postim:
APEL Në lidhje me vrasjet e fundit që po ndodhin tek ne shqiptarët, kisha apelu deri tek organet e Ministrisë së Brendshme që urgjentisht të fillojnë me kontrollimin e, kisha thënë, të gjithë objekteve, shtëpijave e sidomos veturave për marrjen e armëve pa leje, të dënohen të gjithë ata që mbajnë armë pa leje, se nuk ka rrugdalje tjetër. Rinia jonë ka dalë prej binarëve, vriten për një të shame, për 100 euro edhe për shumë punë banale. O ju të rinj, ju dua prandaj ju drejtohem me një lutje: Largohuni armës, largohuni problemeve, largohuni inateve se jeta është gjëja më e shtrenjtë që s`blihet me para.