19:50:56 2018-04-06
Gjykata rajonale e Cyrihut e ka dënuar një person 24-vjeçar për veprën „shkaktim të lëndimeve të rënda trupore“. Shtetasit grek do t`i ndalohet hyrja për shtatë vite në Zvicër. Më 25 mars të vitit të kaluar ishte shkaktuar zënkë në mes dy personave në klubin Vior në rrugën „Loewenstrasse“: Me këtë rast, lëndime të rënda në kokë ka pasuar një shqiptar 29-vjeçar, ndërsa automekaniku 24-vjeçar nga Dübendorfi është arrestuar.
Shtetasi grek, i lindur në Cyrih është dashur të përgjigjet të enjten para Gjykatës në Cyrih, pasi dyshohej se e kishte goditur shqiptarin me një grusht në kokë, me ç`rast ai ishte rrëzuar përtoke, shkruan „Tages-Anzeiger“, përcjellë Shtegu.com.
Në momentin që shqiptari ka tentuar të ngritet, i pandehuri e ka goditur edhe me një shqelm në kokë, duke e lënë të shtrirë përtoke pa ndjenja. Shqiptari 29-vjeçar pësoi thyerje të hundës, të dhëmbit dhe tronditje në kokë.
Përpos kësaj, shtetasi grek u akuzua edhe për kërcënim, mirëpo ai i mohoi akuzat, ndërsa sa i përket lëndimit të shqiptarit, ai ka deklaruar se goditjet nuk kanë qenë aq të forta. Gjithçka kishte filluar pasi shqiptari e kishte hedhur një shishe.
Mirëpo, Gjykata e vlerësoi ndryshe zënkën, duke theksuar se bëhet fjalë për një vepër brutale, duke e dënuar grekun me tre vite burg dhe ndalesë të hyrjes në Zvicër për shtatë vite.