Rreth 80 mijë euro janë plackitur në kazinon “Vegas” në rrugën Shkup-Bllacë.
Rasti ka ndodhur më 22 nëntor rreth orës 5 të mengjesit. Në videon e publikuar vërëhen dy persona duke u futur në kazino ku e kanë kryer plaçkitjen.
Sipas policisë, ata kanë arritur në vendin e ngjarjes të armatosur dhe me maska në kokë, transmeton Gazeta Lajm. Pasi janë futur në kazino, kanë shkrepur një plumb dhe kanë kryer plaçkën. Disa dëshmitarë okularë kanë thënë për mkd.mk se në bazë të sjelljes dhe urdhërave që kanë dhënë plaçkitësit, ata janë profesionist të vërtetë.
Edhe pse kanë kaluar tri javë, autorët ende nuk janë arrestuar. /Lajm