Të mërkurën në mbrëmje, Policia kantonale e Aargaut ka kontrolluar një klub lojrash të paligjshme në Murgenthal. Operacioni filloipas një mori informatash nga popullata se përkundër ndalesës për punë, në lokal mbretëronte një atmosferë pune normale, shkruajnë mediat zvicerane, transmeton Shtegu.com. Policia sekuestroi dy automate, një armë të gjatë me municion dhe mbi 40,000 franga para të gatshme. Ajo ka ngritur kallëzim penal ndaj menaxhuesit, një zviceran 29-vjeçar nga rajoni. 15 personat e pranishëm u gjobitën bazuar në ndalesën e shkaktuar nga Covid 19. Dy persona janë shtetas zviceranë, pjesa tjetër janë nga Kosova, Serbia, Shqipëria dhe Suedia.
Këshilli Federal kishte ndaluar së punuari të gjitha bizneset e argëtimit dhe kohës së lirë, për shkak të krizës së koronavirusit.