18:18:06 2017-12-29
Policia boshnjake në Kiseljak ka zbuluar përgjegjësit e dëmtimit të fasadës së xhamisë së qytetit. Bëhet fjalë për shtetasit austriakë Daniel Sudar (1998) dhe Dejan Ljubiçiç (1997), të cilët e kanë pranuar veprën.
Incidenti ka ndodhur mbrëmjen e së mërkurës, me ç`rast policia ka ndërmarrë masat e nevojshme për të gjetur autorët e këtij akti të shëmtuar. Gjatë natës të së enjtes, policia ka kontrolluar një Mercedes, me të cilin ka drejtuar Sudar, ndërsa në te ka qenë edhe Ljubiçiç, i cili sipas hetimeve operative, mund të ketë pasur lidhje me veprën e kryer.
Pas shqyrtimit kriminalistik të rastit, të dyshuarit e kanë pranuar fajin, shkruajnë mediat e huaja, përcjellë Shtegu.com. Për rastin në fjalë është informuar edhe prokurori, ndërsa ndaj dy të dyshuarve janë duke u ndërmarrë masat përkatëse ligjore.
Që të dy të rinjtë janë futbollistë që luajnë në Austri. Ljubiçiç luan për Rapidin e Vjenës, ndërsa Sudar në Ligën e pestë austriake për Neustadt II. (Shtegu.com)