Një anije lundrimi me 756 pasagjerë, të mërkurën ka hyrë në portin e Dubrovnikut. Anëtarët e ekuipazhit të Carnival Magic nga dhjetë vende, të cilët ishin ngujuar në anije për shkak të pandemisë së koronavirusit, do të vazhdojnë udhëtimin për në shtëpi nga Kroacia, raportojnë mediat e huaja, informon Shtegu.com.
Raportohet se pasagjerët do të mund të largohen nga anija brenda dy ditëve të ardhshme. Temperatura e trupit të tyre do të matet, por ata nuk do të testohen për koronavirusin sepse tashmë e kanë realizuar karantinën në anije.
Shumica e udhëtarëve vijnë nga Ukraina dhe Rumania. Sipas mediave, avionët charter janë gati që t’i dërgojnë në shtëpi. Përveç pesë kroatëve, në anije ka edhe pasagjerë nga Sllovakia, Bosnja, Serbia, Mali i Zi, Shqipëria dhe Kosova, të cilët do të vazhdojnë rrugën e tyre me autobusë. Anija kishte qenë më parë në Gjibraltar, njoftojnë mediat, përcjell Shtegu.com.
Në një tjetër fushatë kthimi, anija e lundrimit Carnival Breeze do të hyjë në portin e Dubrovnikut me më shumë se 100 kroatë në bord javën e ardhshme. Gjithsej 800 pasagjerë kroatë që punojnë në anijen e lundrimit, aktualisht janë duke pritur për kthimin e tyre për në shtëpi.