Eroll Fejzullahu: Koha ime në strehimoren gjermane

13:13:56            2019-09-02

Kur futbollisti i ri shqiptar që iu bashkua ekipit Jena në Gjermani, Eroll Zejnullahu (24), lindi në Berlin në vitin 1994, Kosova, vendlindja e prindërve të tij, ishte në luftë civile.

Ata u arratisën në Gjermani, mbi të gjitha donin t’u ofronin fëmijëve të tyre një jetë më të mirë dhe të sigurt. Për nëntë vite me radhë, Erolli dhe familja e tij jetuan në një shtëpi azili në rrethin Reinickendorf të Berlinit, informon Shtegu.com.

Për «Bild» ka deklaruar: „Kam ende shumë kujtime të asaj kohe, fëmijërinë time e kam kaluar atje. Gjithmonë kishte shumë ndodhi. Kam kaluar shumë kohë jashtë, duke luajtur me fëmijët e tjerë futboll“.

Por mesfushori gjithashtu e di: „Për prindërit e mi me siguri ishte një moment shumë i vështirë. Unë kam qenë fëmijë atëherë, jam rritur në atë mënyrë dhe nuk dija ndryshe. Nuk e pata të vështirë”.

Prindërit e tij, nga ana tjetër, kishin hequr dorë nga gjithçka në vendlindje. Eroll Zejnullahu në një intervistë pohoi: „Babai im kishte një kompani atje, kështu që ai dicka kishte ndërtuar. Nëna ime sapo mbaronte studimet kur filloi lufta – prindërit e mi hoqën dorë nga gjithçka, për të na dhënë gjithçka; qofshin ato rroba apo çfarëdo qoftë. Kjo është ajo që dua t’u kthej atyre ndonjë ditë dhe është motivi im për të nxituar, pavarësisht se për çfarë „.

Ardhja në Carl Zeiss Jena tani duhet të jetë një fillim i ri për të. Dhe kjo është ajo që Zejnullahu vërtetë e dëshiron: „Unë me të vërtetë doja të shkoja në Jena. Gjithmonë e kisha kërkuar Jenën para se të kisha kontakte me FCC, dhe ndjenja ime më thoshte gjatë gjithë kohës që duhej të shkoja aty”.