Prezantuesja televizive, Lila Filipovska është thirrur sot në mëngjes në Prokurori për të dëshmuar për rastin “Reket”, ku i dyshuari kryesor është shoumeni Bojan Jovanovski.
Ajo njihet si shoqe e Boki 13, të cilin e ka shoqëruar në disa vizita edhe jashtë vendit, ndërsa në ditën kur është ndaluar në kufirin me Greqinë, mediat raportuan se ishte edhe ajo në makinë. Më 15 korrik ndodhi ndalimi i Boki 13, i cili siç u tha me një çantë me para tentoi të kalojë kufirin me Greqinë, por isha ndaluar disa kilometra pranë Gjevgjelisë, përcjellë INA.
Rasti “Reket” është denoncuar nga kryeministri Zoran Zaev, pas njoftimit nga biznesmeni Orce Kamçev se ishte zhvatur dhe kushtëzuar me 1.5 milionë euro nga Boki 13 dhe një biznesmen tjetër Zoki Kiçeec. Ndërsa gjithë kjo ishte bërë edhe me implikimin e kryeprokurores speciale, Katica Janeva, që është e dyshuar po ashtu për këtë rast. (INA)