Një grua 44-vjeçare është nën kujdes intensiv, pas një rasti të rëndë të dhunës në familje në Schafisheim të Zvicrës.
Skena e krimit ndodhi në një shtëpi në rrugën „Juraweg“ në Schafisheim. Të premten, më 12 mars 2021, rreth orës 00.50 pas mesnatës, qendra e urgjencës pranoi një thirrje nga një familje se diçka e keqe kishte ndodhur, informon Shtegu.com. Policia dhe ambulanca erdhën shumë shpejt në vendngjarje dhe e gjetën gruan në shtrat pa shenja jete.
Mjekët e ndihmës së parë më pas patën sukses në reanimimin e saj. Kosovarja 44-vjeçare tani është në njësinë e kujdesit intensiv.
Autori, një shtetas zviceran 46-vjeçar, u arrestua pa rezistencë.
Hetimet fillestare tregojnë për një përpjekje për vrasje. Megjithatë, rrethanat dhe motivet e sakta janë ende të paqarta. Policia e Kantonit Aargau ka filluar hetimet e saj. Prokurori publik ka hapur një hetim penal.