Dasma tetovare mahnitë rapsodin shkupjan

07:05:40        2015-12-31

Ndoshta ndokush që nuk më njeh mirë edhe mund të më quajë si fanatiku i përbetuar i muzikës folklorike dhe që për hir të vërtetës është deri diku e saktë, sepse mendoj që në keto kohëra të turbullta, duke e ruajtur me fanatizëm etnomuzikën i bëjmë rezistencë trendeve negative asimiluese në këtë sferë, por kur është në pyetje muzika e pastër shqipe e cilitdo zhanër, edhe unë shndërohem në konsumues të pasionuar të saj !
Miq të Nderuar, dua me Ju të ndaj kënaqësinë që kisha para disa netve, më saktë me datën 29.12.2019 kur kisha rastin të jem mysafir në dasmën e një miku në Tetovë, për të qenë korrekt dua tu them të vërtetën kisha ‘’frikë’’ nga zhurma e padurueshme që do bëjnë ‘’orkestra’’ andaj isha në dilemë: të shkoj apo jo !
Mirëpo ndodhi e kundërta, për kënaqesinë time, pas një kohe të gjatë kisha rastin të kaloj një natë të mrekullueshme në një darsëm shqiptare ku nuk degjova ritmet e muzikës së çoroditur të ashtuquajtur ’’tallava’’ e as ‘’urimet’’ që s`janë asgjë përpos nevojë primitive për ta dëgjuar emrin nga sistemi I zhurmshëm I zërimit nga të cilat të përcjellur me ritëm joshqiptar në vazhdimsi, dëgjon emrat e njerëzve të pranishëm që jep përshtypjen e ulurimës tmerruese e asesi të një ahengu dinjitoz. Dua që publikisht ta përgëzoj solistin e asaj nate prof.Bajramali Idrizin dhe orkestrinën e tij të cilët vetëm e përforcuan bindjen time të thellë se edhe pa ritme e këngë të importuara mund të kënaqen mysafirët dhe gjithë ata që duan këngën dhe vallëzimin. Që nga fillimi në orën 19.00 e deri 01.00 nuk u ndal kënga e bukur shqipe, këndohej nga solisti por edhe nga ata që ishin mysafirë si në kor ‘’O ku po shkon moj rrushja lales’’, ‘’Tumankuqja’’, ’’Goc` e vogël o’’ e shumë e shumë të tjera këngë lirike, nuk u la anësh as kënga epike që jehonte: ‘’Moj Shipni mos thuj marova,, nuk mbetën keq as te rinjtë në ritmin e këngës zbavitëse moderne për këtë atmosferë orkestrën dhe solistin e nderuar e urojmë me fjalën këndofshi gjithmonë po dua te theksoj megjithate se ‘’gisht’’ padyshim ne arritjen e kësaj atmosfere kanë dasmorët të cilët sigurisht janë dakorduar me orkestrën që tu bëjnë një darsëm shqiptare gjë të cilët ata e kanë mirpritur dhe që u dëshmuan gjate gjithe mbrëmjes me pasionin dhe entuziazmin e tyre për të bë një natë të paharrueshme për çiftin e ri, familjarët e tyre dhe për të gjithë të pranishmit në dasëm !
Nuk dua tae mbetem I keqkuptuar, respekt për të gjithë njerëzit e muzikës shqipe mirëpo duhet të jemi më këmbëngulës e mos ti pranojmë vlerat e huaja dhe e gjithe këte që une e shkrova nuk e bëra me qëllim që të lavdëroj apo nënçmoj ndokend, po thjesht të kuptohet si një apel pikësëpari për organizatorët e dasmave-dasmorët që ti flakin tendencat e unifikimit të ahengjeve e dasmave shqiptare me ahengjet e dasmave të atyre që si kemi as fis as farë !
PS: Harrova tu them se u festua me këngë e valle, jo me armë e plumba !!

Autor: Ajrulla Emini