Zyra Federale e Shëndetit Publik (BAG) ofron informacion të përditshëm mbi zhvillimin e epidemisë së koronavirusit në Zvicër. Në indikatorin e statistikave, është vërejtur një shkallë e pozitivitetit prej 11,4 për qind. Kjo përmbledh raportin e personave të infektuar me numrin e personave të testuar. Numri është më kuptimplotë sesa numri i testeve dhe infeksioneve, sepse në më shumë persona të testuar do të gjenden edhe më shumë raste pozitive. Shkalla e pozitivitetit është një mënyrë më reale për të vlerësuar se sa po përhapet virusi. Nëse shkalla rritet, ngjitjet rriten proporcionalisht. Që nga fillimi i epidemisë, norma pozitive ka qenë mesatarisht 4.6 për qind.
Të hënën, Zyra Federale e Shëndetit Publik (BAG) ka publikuar statistikat e përmbledhura të infeksionit për fundjavën që e lamë pas. Që nga e premtja ka pasur 4 068 infeksione të reja në 35 556 testime në Zvicër dhe Lihtenshtajn. Kjo shkakton një normë pozitiviteti prej 11.4 për qind, informon Shtegu.com.
Që nga e premtja kanë qenë 70 shtrime në spital dhe 7 vdekje. Gjithsej, deri më tani në Zvicër kanë vdekur 1801 persona për shkak të koronavirusit.
Nga ana tjetër, nga laboratoria deri më tani janë konfirmuar 64 436 infeksione.