Përveç produkteve me stil elegant, ka pasur edhe mallra të një lloji të veçantë, në një butik të qendrës së qytetit të Vjenës: Të paketuara në pako të vogla dhe kryesisht të bardha. Për dhjetë vite me radhë, pronari i dyqanit shiti gjithsej tre kilogramë kokainë, gjithashtu edhe prominentëve.
I pandehuri (50), i përfaqësuar nga avokati Nikolaus Rast në njërën anë, pranoi gjithçka, shkruan „Kronen Zeitung“. Bashkëshortja e tij (që e përfaqësonte avokati shqiptar Mirsad Musliu) pranoi gjithashtu. Kokaina ishte furnizuar nga Serbia. Pas një informate, vëzhgimet u kryen në Vjenë dhe e pandehura u vëzhgua në oborrin e banesës së saj gjatë masave bllokuese, përderisa po tregtonte, informon Shtegu.com.
Afaristi në fjalë pretendon se ai u dha kokainë shumë personave në ahengjet e të famshmëve. Ai filloi të merret me tregti kur më në fund i mbaruan paratë. Hetimet e policisë zbuluan se klientët gjithashtu përfshinin një floktar të famshëm, një yll klasik të të kënduarit dhe një ish-miss. Ata do të gjykihen në një seancë të posaçme.
Vendimi gjyqësor: Tre vjet e gjysmë burg për afaristin, bashkëshortja e tij u largua me 15 muaj me kusht, njëri prej të cilëve i pakushtëzuar.