Atletico Madrid i bashkohet garës për Icardin

Atletico Madrid është duke u interesuar për shërbimet e sulmuesit argjentinas të Interit, Mauro Icardi, raporton gazeta “AS” të dielën. 

Icardi po kërkohet edhe nga dyshja e Serie A, Juventusi e Napoli, por krerët e Interit preferojnë të shesin atë te Atletico. Madje janë të gatshëm ta shesin te skuadra madrilene për 60 milionë euro, transmeton “Koha Ditore”.

Drejtori i Interit, Beppe Marotta të shtunën ka bërë të ditur se Icardi dhe Radja Nainggolan janë në shitje. Por, Interi nuk preferon të forcojë rivalët e Serie A, për këtë arsye preferohet që Icardi të shitet te Atletico.

Por, para se të blejë Icardin, Atletico duhet të shes Diego Costan, pasi ka shpenzuar para të mëdha këtë verë për të transferuar Joao Felixin dhe Alvaro Moratan.